昨日下午何超蓮與兩名女性好友一同行書展，兩小時行程滿載而歸，超蓮買了大量書籍，當中更包括一本烹飪書《快樂廚房》，似要學煮飯仔。問到她為何沒有保鏢及男友陪伴？她說：「我唔使保鏢啦！我哋三個都冇男朋友。（英國冇男友咩？）呢度冇！」

超蓮昨日在沒有保鏢的陪伴下，搵兩位好姊妹行書展追星。

柏豪在簽名會中與fans近距離接觸，但在茫茫人海中，他竟然不記得與超蓮合照過。

o靚模寫真冇興趣

超蓮更自爆此行除買書外，更是陪女友人追星，她說：「今日陪朋友去周柏豪新書簽名會，佢仲同我影咗一張合照！（佢知唔知你係邊位，有冇搵番你簽名？）冇，我諗佢唔知我係邊個啦。」

不過大堆書中未有一本o靚模寫真集，她說：「佢哋啲嘢吸引唔到我，我冇反o靚模，不過吸引唔到我呢一層嘅人，我唔會對佢哋反感，佢哋有佢哋嘅存在價值。」

兩層豪宅收租用

超蓮又表示生日收到的兩層豪宅，日前已「睇過樓」，她說：「我係睇過啲相咋。（係咪你嘅dream house？）OK啦！不過唔係要嚟住，我用嚟收租，媽咪幫我搞掂，佢知我今日嚟書展，不過佢話人多唔嚟。」

而周柏豪事後表示：「我未見過超蓮真人，佢好靚好nice，估唔到佢會買我本書，好sweet！」而柏豪的新書內更有一張露股的BB相，相當有噱頭！

文：名人組、專案組