Lavina連續兩次跟William撐枱腳，均被傳媒「巧合」撞破，前日William即發聲明跟Lavina劃清界線。昨天一名自稱跟William同居四年、兼懷有五個月身孕的Fiona Woo也發聲明，指「希望有些女孩子不要因為本人男友或老爺有supercar有獨立House，企圖接近追求本人男友，以及通知傳媒追蹤報道。」又指男友於上周一借出名車拍照，Lavina只是當日model，而男友及老爺劉璜也非億萬身家，聲明上更留下劉氏父子及Fiona的電話號碼。

記者聯絡上William，當他知道Fiona發聲明，即驚訝的說：「吓！發生咩事？點解會咁？如果係我女友，唔會做呢啲嘢，我唔知有咁嘅聲明。」至於Fiona是否其女友，以及是否感感情穩定快會結婚，William卻不置可否：「係我惹出嚟嘅禍，我會負責番，唔想騷擾屋企人。」

William稱大整蠱

William再否認追求Lavina，說他是搞製作公司，兩次見面都是傾工作：「第一次見，佢經理人臨時甩底，第二次我同佢兩個都係傾工作，一坐低就有記者嚟，真係好無奈。唔知點解咁巧合，我覺得被人擺上枱，係大整蠱，因為呢件事可能會取消合作。」

至於Fiona方面，她直言跟男友感情穩定，並打算於九月結婚。問到是否不滿有指男友追Lavina？她說：「我係想畀人知道，呢啲手法明眼人都知。我唔會嬲，平時都提佢小心啲。（William話唔知你發聲明？）吓？咁奇？可能佢公司啲人無話佢知。」然而半小時後，Fiona回電稱沒發這個聲明，相當耐人尋味，不過她承認聲明所寫都是對的。

至於事件主角Lavina昨指出跟William是朋友關係，至於對方是否展開追求，她說：「我唔覺，朋友都要正常社交活動。（一星期食兩次飯，好頻密？）唔會，一日都要食三餐，幾餐唔算。（你知佢有女友？）啱啱先知。（畀人呃？）未熟，未講到呢啲，佢唔係我心儀對象，我唔會鍾意有女友嘅男人，我本身已有意中人。（畀佢女友誤會？）叫佢唔好擔心，對佢冇興趣，唔係我杯茶！」至於有人暗示她放料，她只說：「成日畀人跟，但唔會避。」

劉父謙稱cheap

至於William父親劉璜接受訪問時，也說不知道Fiona會出聲明，問他有否提醒兒子避見Lavina？他說：「仔大仔世界，我唔理，我都就嚟做阿爺。（話你係衣架大王？）真係慚愧，之前喺香港開廠，跟住搬去東莞，依家有二百員工，我做咗咁多年衣架係好多款，但由天安門排到去鯉魚門都未輪到我。（你有六千呎九肚山House？）唔係，邊有，連埋個花園先有。（有六架supercar？）二手嘢嚟，cheap到死！」

文：名人組