o靚模和天使成為今期熱爆人物，紛紛推出噴血寫真賣肉搶客之際，昨日突然有報道指，一眾宅男女神私底下到高級私竇賣淫賺快錢。對於這「不道德的指控」，藍莓、鍾蕙芝（Lavina）、Rainbow及動漫女顏后君紛紛表態與事件無關。Rainbow首先作出否認，表示自己未夠年齡，除工作外不會去酒吧，直斥報道失實，同公司的Lavina亦說：「如果我有做就唔使住屋邨，唔需要接job咁辛苦。」兩人的經理人Admond則考慮發律師信，但Admond承認的確有人出價三萬邀請o靚模出席飯局，他說：「但我哋推晒，唔會做呢啲事。」
保留追究權利
藍莓被問及傳聞時，最初表示不想回答，但問到會否不開心，即禁不住說：「畀人咁作法一定唔開心，其實成日都有作新聞，不過今次太誇張，真係講都冇人信，（怕唔怕屋企人唔開心，胡思亂想？）屋企人反而擔心我唔開心，好多人發咗訊息或者打電話慰問我，好感動，（會唔會採取法律行動？）唔需要，要睇事件嚴重性，最緊要係冇人信，費事搞大件事幫人宣傳。」
顏后君則笑對傳言，說完全沒有可能，並奉勸想賺快錢的女孩子要考慮清楚。與藍莓情同姐妹的「豆沙包」晴晴則表示從沒有覺得藍莓身光頸靚周身名牌，自己則沒有人問價，E Cup baby（劉欣宜）亦大呼沒有可能，指事件影響聲譽，會保留追究權利。
無綫總經理陳志雲表示不清楚事件，應交由藝員科處理，監製錢國偉亦稱事件可信性低，更說藍莓曾致電表示為傳聞不開心。至於高層樂易玲則表示事件至今沒有證據，她說：「有證有據先會跟進，乖唔乖日久見人心，會留意吓佢。」
「八萬咁貴？」
至於報道所指周秀娜不設坐枱價，床價八萬，周秀娜表示很搞笑︰「咁搞笑？八萬咁貴，我唔清楚，唔回應，（值唔值八萬？）無價，總之無人問過價，唔知點解我有份，我無去過收錢嘅飯局，亦無聽過有呢啲事。」至於椋名凜則謂絕不做Cheap事︰「日本都有類似嘅人請我去，但我唔會為識有錢人而做呢啲嘢，I am not cheap，我唔想去。」
文：影視組