o靚模入侵書展，趙碩之兩位師妹尹晞（Yumi）和Melody（陳若嵐）出寫真，她們因不滿被大會隔離於簽名區，昨日在會展附近天橋搶客造勢，卻因阻街惹來途人不滿，要警方介入了解情況。
書展昨日開鑼，有鑑於o靚模成為反對聯盟的眼中釘，大會特別開闢簽名區，將o靚模在書展「隔離」，Yumi和Melody的寫真剛剛推出，她們一心在書展搞「大龍鳳」的如意算盤打不響，昨午十二時許索性在通往書展的行人天橋派扇突圍，惹來不少途人不滿。
唔認阻街兼擾民
Yumi和Meloday遲到二十分鐘，因天氣炎熱，不少fans熱得喘不過氣，她們甫到埗，在場近百fans、龍友及傳媒蜂擁而上，場面墟冚，令路面寸步難行，有路過的途人不耐煩放聲大罵：「嘩！逃出生天！」、「火燭，唔該行開！」等說話，因為人群阻街，二女只得一名女助手陪同，惟有移師橋底繼續派扇。期間有數名警員到場了解。
對於她們的行為有擾民之嫌，Yumi和Melody堅決否認：「如果有嘅話就對唔住，阻到人真係唔好意思，今日天氣熱，我哋只係想為大家解暑。」她們更說不滿大會將o靚模隔離，亦不滿轉地方，連簽名都冇得簽！身穿背心短褲的二女更自言衣着不暴露，比平日穿得更密實。
冇諗過搶人風頭
周秀娜昨日在書展宣傳，她倆是否特意狙擊？她們說：「唔係，冇諗過搶風頭，總之各有各做，各有各靚！」
有報道指o靚模賣淫，Yumi和Melody直言曾被問價，Yumi說：「我試過有人話畀幾萬蚊我做佢女朋友，我話唔做呢啲嘢，佢就叫我介紹啲差唔多質素嘅女仔畀佢識。」Melody亦說有人致電聯絡她叫開價，其母聞言即時鬧爆對方！她們又說不明何以電話號碼會外洩。
文：專案組