陳慧琳（Kelly）前日剖腹誕下男嬰Chace，日本網站亦有報道有關消息，認真巴閉！昨日BB接受身體檢查，一切正常，仍然疲累的Kelly為了BB健康，開始學習餵人奶，夫婿劉建浩（Alex）則在醫院徹夜陪伴，廿四小時全天候照顧老婆！
Kelly助手Leo昨午三時許抵達醫院，帶了大批飲料及兩打西餅慰勞醫院門外的記者，他說Kelly媽煮了雞飯、瘦肉粥、魚湯給女兒吃，望Kelly的傷口快些復原！
Alex則徹夜留院陪伴Kelly，至於Kelly是否開始餵人奶？Leo說：「開始咗，依家習慣緊，醫生建議佢餵一至兩個月。」Leo又轉述初為人父的Alex初度抱BB的心情：「Alex早過Kelly抱BB，覺得好緊張，擔心擺位唔好整親BB。」
呼籲勿再送衫仔
小Chace則非常健康，並剛做了身體檢查，聽覺亦正常，至於母子何時出院？Leo說：「暫時未得，Kelly仲好攰，佢都好想快啲返屋企，但要休息好先，佢已經可以落床，但唔能夠落得太多（次數）。」人緣甚佳的Kelly收到不少好友送禮物，並託Leo向各好友致謝，已收了過百件衫仔，BB日日換新衫，因BB大得快，她希望大家不要再送衫仔，以免浪費！
本報率先披露Kelly為BB改了洋名Chace，Kelly經理人鍾珍接受訪問時說：「Kelly同Alex叫囝囝做BB，中文名呢一、兩日內會作實。」至於雙方的家長也未有到醫院睇BB，因為醫院傳媒太多，Kelly又攰，讓她好好休息，待身體好轉才去探望，Kelly很感謝四位老人家的體諒。
陳司翰SMS賀姊姊
至於榮升舅父的Kelly弟弟陳司翰為避傳媒迄今未見過小Chace，而家姐因剖腹手術後未甦醒又攰，所以只SMS給她，他並不擔心家姐情況，因有姐夫Alex同鍾珍陪伴。
記者昨於醫院停車場守候期間，有男子倒車時撞及老伯，及後警察到場了解事件。另外，原來Alex是側田的學長，昨日側田對Kelly生了BB感興奮，很想作首搖籃曲送給對方。
文：影視組