藉《波叔出城》電影大受歡迎，「波叔」沙查最近再用同樣方式拍新片《Bruno》，扮同志時裝記者四出扮嘢搗亂。最近他難得抽離同志角色，以真人身份接受訪問，便提到不少拍戲苦事。

挑釁完走後門

新片其中一場講述沙查在美國阿肯色州為一場籠中搏鬥比賽作主持，初時他被知會正常要兩分鐘才爬到入籠中，故十分安全。可惜，到正式上演時，「波叔」卻差點被猛漢「吃掉」。他指：「嗰度有成二千個醉漢好似想睇人開片咁，猛咁噓我，我諗住好安全，仲挑釁佢哋同我打過，點知有個六呎八猛漢兩秒就跨咗個欄入嚟，全場仲高呼要殺咗我。」幸沙查及時從秘道離開。

冇保鏢肯負責

沙查亦表示戲中亦找來現實生活中被通緝的中東恐怖分子接受訪問，更曾聯絡中央情報局幫手，劇組事前找保鏢確保沙查安全，但卻未有保鏢肯為他效勞。他指：「我哋打晒畀保安公司冇人肯接，最後搵到一個曾為歌手Enrique Iglesias個唱做保鏢的人。但佢嗰時嘅職責只係睇住佢表演時有冇向佢掟底褲。我就知道，如果我遇到咁嘅情況，佢會幫我接住個胸圍。」

沙查亦提到與保鏢利用有關天氣的暗號溝通，可惜該名保鏢竟然忘記暗號。「波叔」坦言擔心當該名恐怖分子看到電影後，知道被玩可能威脅到其人身安全：「我要祈求佢哋唔會睇套戲。」另外，他對於《波叔出城》得到好成績感到驚訝，並指直到劇組惹來二百宗官司，外界才相信戲中所有情節全部「嚟真」。

文：外娛組