在美國與MJ父母為鄰的Flora，前晚到灣仔會議展覽中心欣賞「2009香港時裝節」時，坦言大前晚留在家在收看MJ追思會時，忍不住再度落淚，她說：「睇MJ喊到死，我覺得佢係犧牲品！」Flora更為MJ抱不平：「佢鍾意白皮膚有乜問題？人哋鍾意曬黑就得！」

為孌童解畫

其後，她更將矛頭指向傳媒，又為MJ涉嫌孌童一事解畫，不諱言說：「係記者有問題，佢由五歲開始做嘢，咁多年嚟冇時間去玩，根本冇咗童年生活，佢鍾意同小朋友一齊，唔係摸小朋友，嗰個男仔已經澄清MJ冇摸佢，係啲記者逼死佢，一時捧到佢上天！」

Flora又表示MJ服藥是為了平衡心理，更將事情說到自己身上：「我面對香港嘅傳媒都覺得攰！」至於有指MJ的母親只係關心MJ的錢收藏在哪，作為鄰居的Flora表示相信事情不是如外界所指的，她說：「唔係咁樣，MJ自己使咗好多錢，可能MJ媽咪驚啲人嚟收債！」

讚無人能及

Flora更自爆在美國時，為MJ之死已喊到眼腫，大讚MJ為人謙虛：「佢捐咗好多錢，唔在乎出名同埋賺錢，唔可以歧視佢鍾意白皮膚，佢鍾意好似波姬小絲咁樣擁有白皮膚。好似我跳芭蕾舞，有舞蹈員鍾意扮女人，佢哋係唔鍾意扮男人，靈魂同身體唔係配合，唔係同性戀者，就算係都冇錯！」Flora心痛地說：「佢只係想做小朋友，亞洲冇人可以比得上佢，佢係好偉大嘅表演者，佢付出咗人生仲要畀人話！」說罷，Flora終於忍不住淚水，谷到眼紅紅，最後終止訪問，坐下來休息，並以紙巾拭淚。

文：名人組