唐寧早前為內地化妝品牌擔任模特兒，對於內地有新政策，指藝人需為代言產品負責一事，唐寧直認的確影響了她接拍內地廣告時的決定，為安全起見，更不介意降價接job，她說：「依家我接內地廣告都會好小心，情願收平啲做模特兒就算，因為做代言人壓力實在太大。當然，我拍廣告之前都會試清楚啲產品有無副作用，做公眾人物都係負責任啲好。」

只能做一份代言

以為唐寧降價後工作量驟降，她卻笑言工作反而有增無減：「因為做代言人同類型產品嘅工作只可以接一個，但模特兒就唔同，接多幾個都唔怕，以密食當三番嘅道理，收入都好可觀㗎。」

測體溫呆等句鐘

經常因工作關係要來回中港兩地的唐寧，表示自豬流感爆發後着重了衞生方面的保健，例如她每次到內地工作必定攜帶大量消毒紙巾，以確保在無菌環境下工作可以更安心：「不過其實內地方面都做足防禦措施㗎，每次架飛機入境，機場都會安排工作人員同每個乘客探測體溫，確保冇人發燒先至畀我哋落機。雖然每次都要呆等成個鐘，但我覺得無所謂，因為始終安全最緊要。」

文：專案組