楊秀惠最近與梁烈唯在新劇中飾演情侶，二人有不少親熱場面，秀惠指兩人老友鬼鬼，實在「熟」到無法過電，她還打算拍咀戲時以榴槤臭口「孝敬」老友。
秀惠早前到內地拍攝完劇集《摘星之旅》後，最近忙於為無綫劇集《五味人生》開工，今次秀惠在劇中扮演貪錢的女人，希望釣得「金龜」，過富裕生活。而她要釣的「金龜」目標人物正是梁烈唯，是以她要狂耍高招、出盡法寶，最初秀惠對這位大少爺不瞅不睬，施展欲拒還迎的勾引高招，結果當然令梁烈唯更覺吸引。
太熟落 撻唔着
由於兩人在劇中有不少親熱戲，難道秀惠不怕尷尬？她說：「我哋相識於微時，同佢好friend，既然老友鬼鬼，又點會尷尬？我哋默契十足，其實我同佢一直都希望演情侶角色，之前都有同監製提議過，估唔到終於成真！」
秀惠與梁烈唯如此熟稔投契，豈不是已有發展成情侶的基礎？她說：「唔會啦，大家太熟喇，雖然成日一齊去街，但熟到過唔到電，冇可能撻得着，只係老友。」
食榴槤益老友
劇中安排兩人有咀戲，秀惠笑說：「我已經諗定唔刷牙，食定榴槤嚟對付佢，佢最怕榴槤味，哈哈……。」
要在劇中扮風騷女人，秀惠卻認為純情才是她的真本性，她自爆說：「但係監製都覺得我風騷入骨呀，有次同監製傾偈，佢講笑話我做唔到純情嘅角色，最啱做姣婆，其實我薄施脂粉個樣都好純情㗎！」
文：影視組
場地：ELCID（加寧街）