泳兒、方力申昨日出席「港鐵Train出每一程」活動，為現場應屆會考生打氣。對於有報道指蔡卓妍（阿Sa）將以愛情價過檔金牌大風，收歸男友鄭中基旗下，泳兒直言未有聽聞，亦不相信，她說：「係咩，真係完全冇聽講過。（信唔信？）唔信，前幾日睇佢舞台劇，佢都冇提過。（有傳係佢男友拉攏？）唔知係唔係，唔好跣我。（拍拖一齊做嘢開心啲？）我覺得就算有另一半，都唔好成日一齊，要有啲空間。」

蔡卓妍被傳過檔男友的唱片公司。	鄧麗欣是唱片公司的力捧女歌手。	泳兒和方力申出席活動，為應屆會考生打氣。

小方不受威脅

泳兒認為阿Sa與公司關係良好，個人發展亦理想，認為離巢機會極低，她更力證Twins再上舞台的可能性甚高，她說：「自己好期待，呢個可能性亦好大，所以冇可能轉會，唔通到時兩間公司一人派一個咩，到時就要改名。」

同場的小方亦不相信傳聞，指報道荒謬，他說：「佢依家成績非常好，冇乜原因要轉公司，如果佢過嚟都無任歡迎。（有冇問太子基？）冇呀，幫你哋問吓。（佢入嚟對鄧麗欣有威脅？）對我冇威脅。（古巨基嗰陣都發展得好，但都過檔？）唔關事，每個人有唔同想法，續約嘅嘢始終係雙方面嘅事。」

文：專案組