Angelababy與台灣型男阮經天出席活動，早前緋聞男友陳偉霆（William）出口為Baby否認整容傳聞，阮經天亦力撐Baby夠可愛，不似曾整容。不過Baby似乎唔領阮經天情，直指William靚仔好多，實行來一招隔空傳情。
Angelababy昨日聯同台灣人氣偶像阮經天出席迪士尼Bloc Mickey之開幕禮，兩人獲不少支持者到場打氣。Baby大讚小天靚仔，但就坦言與緋聞男友William冇得比：「William識咗好耐，我知佢好多嘢，要加好多分，小天都係得一次見，大家唔係太了解。」
與靚模劃清界線
談到靚模寫真集大戰快將展開，Baby語帶不屑地指她的賣點是Fashion，刻意與賣肉的靚模劃清界線。Baby表示有看過其他靚模的性感照片，但就指自己不會拍此類性感照，她更說：「希望早日離開靚模個名，依家好多人出嚟都統稱為靚模，但其實係唔同類型。（咁你應該係咩型？）算係潮模！（係咪靚模有貶意？）依家開始係，以前淨係話年輕嘅模特兒。」
小天為電影配音
而小天亦大讚Baby可愛，對於Baby整容的傳聞，小天驚訝的說：「我看不出來，對這個沒甚麼研究，自己覺得無所謂，女生應該把自己打扮得漂漂亮亮。」他又自爆患上耳內壓不平衡，因頭部劇痛被迫缺席一個在德國的表演，但目前未知是否需要賠償。
此外，小天最近化身「單眼阿北」，為電影《冰河世紀3》首次配音。小天自言本身是個漫畫迷，將用其拿手的台灣口音聲演角色。
文：影視組