深受網友歡迎的人氣網站on.cc經常上載最新的娛樂片段，最近ontv更請來「電眼美女」官恩娜（Ella）接受《娛樂 on Show》的訪問，被主持人大逼供，想睇Ella有乜嘢爆？仲唔快啲瀏覽ontv網上電視！
一向予人性感印象的Ella在《娛樂 on Show》的訪問中，在主持人陳振安和俞詠文的逼供下大談甚少公開的私生活，更自言性格「男仔頭」，只有在工作時才會扮女人，散發媚態。
搞鬼惹笑
經常在綜藝節目亮相的她，自爆有鋪「玩game癮」，仲話愈玩愈投入和開心。近日她主持飲食節目，表現大獲好評，搞鬼的Ella更扮她在節目中的對白，十分惹笑！
今年將步入卅歲的Ella，可會大搞生日party？她說：「我不嬲都唔鍾意大搞生日，我有時好怕成為全場焦點。（卅歲會否覺得係女人變老嘅心理關口？）又唔會嘅，不過覺得時間真係過得好快，同埋可能我成日睇《Sex and the City》，覺得女人愈老會愈charming，所以我反而對卅歲仲有憧憬！」
迴避卓羲
當問到入行後與傳得最激烈的緋聞男友吳卓羲的一段情時，Ella即煞有介事地迴避問題，表現尷尬，可見兩人感情的確非淺！Ella說：「同咁多個男藝人合作以來，最合拍嘅係馬國明，我哋充滿默契，感覺好舒服。」 文：專案組 髮型：Kel@HH