謝天華、陳法拉、黃日華前晚於茶果嶺一間木廠為新片開工，高層樂易玲再度探班。
天華獲樂小姐慰問，進一步奠定愛將地位，難怪手臂被家中愛犬抓傷，依然心情大靚，他說：「樂小姐探完林峯順道啫，都係九龍區。（仲唔認係愛將？）樂小姐個個都愛，佢嚟睇吓有冇人偷懶。（滿唔滿意陳法拉？）拍追逐戲佢跑得快過我，等我仲以為佢奀黐黐。（有咩親熱戲？）床上談情，仲設計緊，有啲love scene嘅。」
陳法拉被問到爭贏Laughing嫂有何感覺？她說：「我恨咗好耐，但冇爭過，多謝樂小姐，可能我本身都畀人感覺少少倔強啱個角色，戲中會有啲打鬥、追逐。」
