陳潔靈的丈夫張耀榮日前因肺癌逝世，杜麗莎及雷安娜等紛紛向陳潔靈致以慰問。杜麗莎說：「當我知道件事都有打畀陳潔靈，同佢講任何時候想搵人傾，歡迎佢打嚟。事前係唔知佢老公有病，唔開心嘅經歷畀時間去復原，遲啲會打畀佢問喪禮嘅事。」杜麗莎透露原本對方有份錄影節目，但因丈夫去世所以推辭。而剛由溫哥華返港的雷安娜表示稍後會致電陳潔靈：「呢個時候唔想煩佢，希望佢節哀順變。」
由於陳潔靈將於十月與葉麗儀及肥媽舉行個唱，身為搞手的耀榮娛樂的張耀榮說：「未知可唔可以如期舉行，由佢話事。一定唔會搵人頂替，寧願延遲少少先開。」
