黃家駒位於將軍澳華人永遠墳場的墓地早前被人惡意破壞，家駒的遺照出現大條裂紋外，碑文及結他都被人用黑色顏料塗黑，歌迷都大嘆痛心不已。

家強及Paul昨日出席記者會時，對事件仍然十分氣憤，家強表示已經報警處理，亦搵人為墓碑維修，他說：「警方已着手調查，我唔望佢（破壞者）自首，希望佢會有悔意，唔好再生事。」戴上墨鏡的Paul難掩心中怒火，他以強硬的聲線表示：「好嬲，咩事都好，唔好搞啲唔喺度嘅人，咁樣非常唔尊重同埋侮辱，個墓唔淨係代表家駒一個人，仲代表千千萬萬愛佢嘅人，破壞佢即係破壞大家。」兩人均表示6月10日家駒死忌定必往拜祭。

演唱會有新嘗試

家強及Paul將於7月24至26日在紅館舉行演唱會，門票今日正式開賣，他們透露將邀請陳奕迅、黃耀明、太極及阿龍大擔任嘉賓，舞台方面更會有新嘗試，以舞台劇及多種道具配合演出，家強表示太太及囝囝都會到場睇騷，對於葉世榮未能參與表示可惜，他說：「冇辦法啦！佢啲期塞到爆晒，我哋一定會邀請佢嚟睇。」Paul笑言如果現場發現世榮蹤影，定必拉他上台jam歌。

文：音樂組