一連兩場「十分十二子祥演唱會」前晚在雷動掌聲下結束，「過氣情人」伊健和GiGi亦是捧場嘉賓之一，兩人自三年前分手後，前晚首度同場出現，GiGi和媽咪睇騷，伊健就和助手捧場，不過雙方前後腳入座兼一東一西分開坐，緣慳一面，看來二人真的緣盡。其他捧場藝人包括葉蒨文（沙麗）好友朱玲玲、老公羅康瑞及周慧敏等。

放大圖片	側田黐上假鬚扮阿Lam維妙維肖，不過一開口就被比下去。

側田唱到跪低

至於表演嘉賓就有側田和張敬軒，側田黐假鬚扮阿Lam唱歌，不過觀眾就反應不太熱烈。之後兩人合唱《數字人生》，雖然側田在新一輩歌手中算是唱得之人，不過拍埋阿Lam就慘被比下去，側田因為唔夠氣唱到幾乎跪低，最後還大嗌：「冇氣！」而軒仔就指阿Lam似「大哥哥」，阿Lam風趣說：「好在冇話似daddy。」

沙麗跟阿Lam雙雙出席慶功宴，大晒恩愛。

朱玲玲和羅康瑞亦有捧場。

封嘴唔講緋聞

沙麗一直在控制台撐老公，沒有上台唱歌，不過阿Lam就遙望老婆高唱《我愛你》。完騷後兩公婆雙雙出席慶功宴，阿Lam因為唱到力竭聲疲，由老婆沙麗代言。記者笑阿Lam對她唱情歌，沙麗扮懵說：「乜呀，傻嘅！（兩晚都喺控制台支持，粉碎婚變傳聞？）無論傳聞點，每次都係喺控制台。」再問她感情是否不受緋聞影響？沙麗則作出拉鏈狀，示意封嘴。

文：音樂組