前晚容祖兒、衞蘭、黎明和陳奕迅等為慈善節目表演。祖兒自爆雙腳近日容易抽筋，可能是經常穿高踭鞋的後遺症。她說：「係靚嘅代價，每晚都要自己按摩鬆筋，做運動前都會做定熱身，唔使做嘢嘅時候會即刻着番平底鞋。」她又表示年底與陳奕迅合作開騷，屆時會大跳印度舞。祖兒笑說：「印度舞我輸晒畀陳奕迅，我諗要食多啲嘢長番個肚腩。」
另外，下月初推出英文新唱片的衞蘭，計劃下次推出韓文唱片。她說：「之前啲碟因為媽咪聽唔明，所以聽一次就放埋一邊，我希望下次出韓文碟，可以威番次畀阿媽睇。（預埋妹妹？）絕對想預埋妹妹，佢依家近況好好，努力學緊國語。」
