蔡卓妍（阿Sa）昨日為有份配音的卡通片音樂劇宣傳，對於玫瑰崗有女學生涉嫌集體吸毒，身為學姐的阿Sa親身力證母校校風淳樸，事件只屬個別例子，更樂意回校宣揚禁毒訊息。
昨日阿Sa、王祖藍、HotCha和A.Lin等現身活動，除了宣傳有份配音的卡通片音樂劇，順道與巿民提早慶祝父親節。席上眾人與觀眾玩遊戲，當巧遇一名叫陳灝（音號）的BB，祖藍即忍不住大搞爛gag：「廖碧兒喺邊？」笑爆全場。
不停探熱
日前阿Sa母校玫瑰崗發現有女學生涉嫌集體索K，阿Sa表示有留意有關報道，不過指事件純屬個別例子。她說：「唔可以一竹篙打一船人！青少年教育需要學校同家長配合，屋企人應該畀多啲時間關懷佢哋。」阿Sa自言中四轉讀該校時，身邊同學全屬品學兼優，沒有問題同學，她現時與母校關係良好，與老師有聯絡，如有需要，十分樂意回校協助宣傳禁毒。
剛由內地工作回港的阿Sa，自言此行最難忘就是探熱。她說：「一朝探咗五次，酒店、場館都要，機場仲探咗兩次！」活動上，阿Sa被熱情的「小丸子」攬實，問她可會擔心被人「鹹豬手」？阿Sa即專業地說：「工作啫，着咗件衫佢就係小丸子，同埋知道裏面嗰個係女仔。」
Call人撐場
此外，工作忙得不可開交的祖藍非常感謝廣告商未有嫌悶換人，而且廣告更陸續有來。由祖藍主演的《矮仔多情》即將上映，他說：「會Call齊人去首映，希望逼爆個場地。」
文：音樂組