祖兒無辜 被屈甩底

一班歌手昨日出席東亞運動會活動,原邀請容祖兒、陳偉霆和泳兒等歌手出席,惟活動結束仍不見三人蹤影,大會聲稱早上才收到通知他們缺席,但英皇高層Mani則反擊一早已通知港台,對於被屈臨時甩底,Mani怒氣沖沖說:「冇必要同港台夾講大話!」

英皇三位歌手祖兒、陳偉霆及泳兒,本應與周麗淇(Niki)等一班歌手昨日出席「東亞運動會義工計劃義工手印牆」活動,但活動結束仍不見英皇三位歌手的蹤影,活動召集人之一的李再唐表示英皇歌手由東亞接洽。

記者向東亞宣傳部副總監郭小姐查詢,她稱早上才收到英皇通知祖兒、陳偉霆及泳兒因事缺席,但Mani則堅稱:「我哋早幾日已通知港台有事出席唔到,唔係朝早先通知!(怕畀人話耍大牌?)唔會,港台冇必要同我哋夾講大話!」

自認番薯仔

祖兒昨日到新城電台接受訪問時則說:「我係番薯仔,冇收到通知,可能公司推咗冇通知我。」

有傳古巨基加盟英皇,問祖兒是否期待和基仔做同事?她表示:「咁佢入嚟一定有合作嘅,公司依家陰盛陽衰,有個男歌手加入都開心嘅,唔係壞事!」

Niki賀Dino

對於外間盛傳基仔加盟英皇乃頂替萌去意的霆鋒做一哥,祖兒即說:「邊有咁快約滿呀!」暗示霆鋒一哥地位穩如泰山。不過基仔跟金牌大風因合約的問題弄至反面收場,祖兒則顯得不欲多言:「我冇乜點睇新聞,呢啲始終係人哋嘅事,再加把口對件事都冇好處。」

此外,Niki在昨日活動上主動向年底準備結婚的Soler成員Dino送上祝福,Niki說:「我冇問佢擺酒嘅時間同地點,但如果喺澳門擺,我都會照去。」

文:音樂組