杜琪峯新作《復仇》入圍「第六十二屆康城影展」，男主角Johnny Hallyday來自法國，昨與拍檔任達華、葉璇、張兆輝及黃秋生等亮相記者會時佔盡地利，成為記者相機焦點，到處聽見有人呼喚「Johnny」，而Johnny則與阿杜老友鬼鬼，不停搭膊頭齊齊拍照留念。
記者會上二人不忘互笠高帽大讚對方，阿杜多謝Johnny遠道到香港拍戲，亦深明不諳中文的Johnny當日遇上不少困難，至於Johnny則表示：「好開心能夠同導演合作拍戲，大家建立咗好深厚嘅友誼。」
談到戲中一眾演員，相信令阿杜最難忘莫過於林雪：「事前教晒佢啲英文、法文對白，結果最終咪又要搵人重新再配音﹗」至於有傳Johnny角色原本由阿倫狄龍參演，阿杜明顯不欲多談，只淡然謂：「依家先問呢個問題，真係too late嘞。」