早前為葉念琛電影《保持愛你》唱主題曲的朱紫嬈（Chloe），日前現身師兄側田的活動，首次作公開演出的她坦言心情緊張：「我頭先嚟到見到側田好勤力開緊聲，覺得佢真係好專業。平日佢哋都有教我好多嘢，之前去電台做訪問都有問佢哋係點運作，真係學到唔少嘢！」
雖然Chloe心情緊張，但是獻唱時表現淡定發揮水準，事後她說：「我扮鎮定㗎咋！」忙於準備在暑假推出首張唱片的Chloe，透露將拍攝兩個MV，但男主角方面有待公司安排，又表示剛加入娛樂圈感到壓力很大，Chloe謂：「所以趁依家未係太忙，要玩多啲減定壓輕鬆吓先！」
