Osman獲男fans網上示愛

EO2成員Osman(洪智傑)最近忙於為電影《永久居留》宣傳,日前他與戲中男主角李家濠(Sean)及其他演員出席電影簽書會。電影出街後,Osman直言有男fans在他的blog上公然示愛,他說:「佢直接問我係咪基?如果係問我可唔可以做佢男朋友,我睇到真係唔識答。」

Osman女友看過他在戲中幾場大膽裸露鏡頭,他笑說:「佢有問我點解露咁多,我有同佢講解,(佢怕你畀人睇蝕?)唔係,佢覺得冇需要啫。」Osman透露今年EO2會暫停唱歌,四人會嘗試各自在不同方面發展,但他說EO2不會解散。

Sean在戲中飾演同性戀者備受讚賞,他不擔心被懷疑性取向,他笑說:「我係直,佢哋懷疑我先開心,證明我投入角色做得好。」