王曉君帶備三寶防豬流感

有線娛樂新聞台主播王曉君(Elaine)日前出發前往康城影展做採訪。曾到過康城、威尼斯及柏林三大影展的Elaine,笑謂每次出發必然會做足準備:「我一早已經預備咗上機三寶,第一樣係眼罩,因為我唔戴眼罩瞓唔着;第二樣係口罩,因為呢排豬流感盛行,所以都係做定安全措施好啲;第三樣係頸箍,而且仲有按摩功能,係我個朋友送畀我出trip用嘅。」

曾採訪多位國際巨星的Elaine,笑言最難忘的是能親睹Brad Pitt的風采:「雖然我冇話視佢為偶像,但佢唔單止靚仔,仲好親民,無論有幾多人喺紅地氈等緊佢,佢都願意逐一同佢哋揮手同簽名,我冇諗過一位國際巨星可以咁冇架子。」