型仔組合Square早前變身披頭四出席活動，四子以「新髮型」示人，樣子有趣，他們更大讚冬菇頭勁襯Brian，Rex說：「呢個髮型都OK呀，最重要唔使Gel頭，好方便，所以我哋都建議Brian轉！」而Brian就言頭髮天生濃密，未知是否因此頭部亦比其他人大，他說：「今日戴呢個假髮先知原來我個頭最大，髮型師要幫我換一個加大碼先搞得掂，人哋話頭大聰明啲，都應該係㗎喇！」
他們又言因工作關係經常需要染髮、Gel頭，即擔心出現脫髮問題，Gary說：「我都開始覺得個額愈來愈高，之前仲睇咗個報道話女仔鍾意男仔頭髮濃密有手感。」Square惜髮如金，問到會否希望拍攝護髮產品廣告時，Brian即刻搶答說：「恨呀！做模特兒嗰陣已經好想！」Gary更言會效法成龍，要先試過效果，才會選擇是否接拍。