王敏德慳油錢氹老婆

王敏德（Michael）昨日以慳油大使身份出席活動，他早前獲大會邀請到德國參加「第25屆Shell環保汽車馬拉松」，更賣口乖大讚活動令他學懂更多慳油知識。Michael表示：「平日我揸車比較急，其實想慳油係應該輕鬆咁享受駕駛樂趣先得。我平均每個月用二千元，依家目標希望慳到千六至千七元啦！」記者笑指他慳落的油錢可買禮物給太太，Michael即謂：「係呀，你講得好啱。佢都鍾意我慳油啲，而且全世界都關心環保問題，地球資源真係好緊要。」