鍾舒漫（Sherman）、吳浩康（Deep）、扈佳榮及王凱駿前晚舉行音樂會。對於有傳古巨基將加盟英皇，Deep說：「事成再算啦。」問到擔不擔心會分薄資源？Deep表示：「冇需要擔心，件事係點都未知，若果發生都唔擔心得咁多，相信喺呢個市道冇一間公司夠Budget去做。」
Sherman亦力撐Deep說：「唔止我哋公司，成行都係咁，大家應該團結做好件事，雖然Budget少咗，大家合力搞好件事對公司同歌手都好。」今年是英皇十周年紀念，將會舉行連串活動，問Sherman會否像師姐泳兒一樣舉行演唱會？她直言每個歌手都想開個唱，但她會儲夠歌才敢向公司要求。
