韓國女星全智賢於荷里活新片《血戰新世紀》首度挑戰大量動作場面，她曾說過辛苦到想死，為電影擔任動作指導的元奎，接受本報訪問時則大讚她有運動細胞，有潛質做打女。
全智賢甚少拍動作戲的經驗，故《血》片開鏡一個月，特別於深圳從北京請來十位專人為她進行特訓，因這部是動作片，故元奎跟全智賢溝通沒有語言隔膜。元奎表示：「最辛苦係場重頭戲，要全智賢喺屋頂追殺怪獸，當時又黑又落雨，雖然佢吊住威吔，但都好危險，仲差啲撞到個鼻。其實佢好捱得，只係好多夜班戲，又經常落雨，佢又怕凍所以覺得辛苦。」
亞洲女星出色
是次全智賢以打女姿態勇闖荷里活，過往曾與無數女星合作的元奎，認為始終是亞洲女星拍動作武打場面比較好，他對全智賢的表現亦很滿意。被問到能否成為楊紫瓊第二時，元奎說：「佢哋相似嘅地方係同樣鍾意運動，不過全智賢有唔少演出經驗，會有心理準備，而最初同楊紫瓊合作時，佢根本唔知拍戲係咩一回事，你叫佢做乜就做乜，兩個有唔同。」
望合作古裝片
元奎亦提到合作過的舒淇跟莫文蔚，兩人並非打得之人，純粹用演技及身體語言搭夠。現時元奎正籌備的新作是港產片，但他認為全智賢可塑性甚高，如日後有機會再合作，想找她拍攝古裝片，應該很有新鮮感。
文：外娛組