在《高朋滿座》中飾演高B的鍾煌，曾被傳出因和有婦之夫搞不倫戀而被無綫雪藏，最近有份參與拍攝劇集《宮心計》等，問到她是否已被無綫解凍時，她說：「其實我一路都有工作㗎，同埋我呢段時間去咗學化妝之嘛，（嗰時傳你搞不倫戀喎？）都唔係真，唔知點解會咁樣傳，我之後仲去咗內地同梁靖琪、黃宗澤拍劇添！」問到她是否曾因這事被高層問話時，她說：「佢哋係了解發生咩事啫，搞清楚之後都冇嘢啦。（有冇唔開心？）唔會囉，都唔係真！」
負面新聞已經過去，問到鍾煌未來發展動向時，她表示想學多點東西來增值自己，她說：「我學緊跳中東肚皮舞，一來覺得個舞姿好靚，二來想減肥，其實同埋自己都想學多啲嘢，裝備自己，等一有機會就可以發揮。」
場地：Roundtable Cafe
髮型：Miko Wong＠P.O.P Hairdressing