影后顧美華胞妹顧麗華疑因婚姻出現第三者，日前於寓所吊頸身亡，令向來痛錫妹妹的顧美華傷心欲絕，本來以沉痛的心情默默地為亡妹辦理身後事，但聽聞曾與妹夫馮潮澤傳緋聞之吳亭欣（LuLu）揚言「雙方半年沒有聯絡」，似有置身事外之嫌，終於忍不住直斥對方「擘大眼講大話」，望為亡妹講句公道話。
自接獲妹妹死訊後，一直未能平復喪妹之痛心情的顧美華，本來打算保持緘默，不會對外發表任何講話，但最後還是決定要講出事實，說出妹妹與妹夫馮潮澤、吳亭欣之間究竟誰是誰非的事實真相。
好唔開心聲沙沙
顧美華接受本報電話訪問時，強忍淚水哽咽說：「我本來唔想講任何嘢，因為心情好難過，但我真係忍唔住，我要講出個事實，吳亭欣口口聲聲話（同顧麗華丈夫馮潮澤）半年冇聯絡，呢個唔係事實，唔好擘大眼講大話，人都死咗，人唔會無端端尋死，唔好利用死人嚟搵曝光機會，我想強調我今次講唔係想潑婦罵街，喺我眼中對方係Nobody，叫佢唔好講大話，將事實扭轉嚟呃其他人。（馮潮澤有冇向你哋屋企人道歉？）我唔想講任何嘢住，我心情仲係好難過，妹妹死咗我點會唔難過？」
而被指是顧麗華、馮潮澤婚姻第三者的吳亭欣昨日在電話中談到現時心情，她聲音沙啞地表示：「我好唔開心，（你喺香港？）我喺屋企，唔想回應咁多。」說罷匆匆收線。
馮潮澤殮房認屍
此外，馮潮澤昨早與兩男兩女親友前往西環殮房，辦理認屍手續，眾人表現哀傷，沉默不語，飽受喪妹之痛的顧美華則未見露面。
馮潮澤認屍後又到灣仔胡忠大廈為亡妻辦理死亡證，並已聯絡香港殯儀館，籌辦亡妻的喪禮事宜。
至五時，木無表情的馮潮澤在一男一女友人陪同下現身殯儀館，獲殯儀館職員安排上樓傾談喪禮細節，半個小時後，馮在一男一女友人陪同下落樓，對於「依家心情平復未」、「亡妻幾時設靈」、「有冇同吳亭欣聯絡」、「有報道指吳亭欣話顧小姐上吊自殺好邪，要搵堪輿師傅破解」等提問一概以搖頭不答作回應，並迅速掩面登上的士離去。
文：影視組