譚詠麟與李克勤昨日舉行簽名會，特別自備白手套跟歌迷握手，做好防疫措施。即將到外地舉行巡迴演出的「麟李」，阿倫笑言希望加開墨西哥站，相反克勤就大叫怕怕。
阿倫及克勤昨日到屯門市廣場為演唱會ＤＶＤ舉行簽名會，吸引五百名歌迷排隊支持。由於近日H1N1病毒肆虐全球，商場要求歌迷索取簽名前要用酒精清潔雙手，而阿倫及克勤亦自備白手套，避免握手時感染細菌，唱片公司工作人員更親自為兩人的咪消毒。
阿倫說：「我哋一向都會消毒啲咪，注意衞生嘛。（你把口最毒？）我點會毒得過成龍呀？我撐佢都撐到盡啦。」大會安排兩位迷你版「左麟右李」在台上跳舞，克勤與阿倫又跟歌迷炮製夏日飲品，與眾同樂。
心態高危唔擔心
克勤透露「左麟右李」將會到順德舉行演唱會，六月則會飛到疫區美加，他受訪時面露難色，多次表示非常擔心。身旁的阿倫即安慰他說：「我覺得四十五歲以上嘅人冇事嘅。（但你廿五歲喎！）我心態上係高危，所以唔使咁擔心，或者我哋加多站墨西哥吖！」阿倫笑言近來一直「集脂」，故演唱會前要再努力「分脂」。而克勤就坦言近日踏入「溶脂」階段，相信屆時開騷會有「好成績」身材示人。
問克勤有甚麼方法與家人防疫？他稱：「我喺屋企都有戴口罩，同埋唔畀囝囝接近我，又叫工人唔好放假，因為唔知佢會去咩地方。」
過關檢疫廿分鐘
另外，剛於北京回港的克勤，表示入境填健康申報表時，因寫自己有咳嗽，即被當局帶到房中檢查：「我畀人帶入房檢查體溫，仲好詳細咁問我資料，又叫咗個醫生嚟睇我，前後大約二十分鐘。我覺得呢個態度好正確，畀到我好大信心，覺得香港今次係有能力應付。」
文：音樂組