容祖兒愛心補品抗惡菌

容祖兒、衞蘭（Janice）、謝安琪、李克勤等前晚出席《2009勁歌金曲優秀選第一回》，關楚耀的《悲哀代言人》亦是39首候選金曲之一。近日豬流感於全球肆虐，前晚在勁歌現場亦有不少歌手身體不適，身為主持之一的古巨基更因喉嚨發炎而未能演繹得獎歌，要改為播放MV。

泳兒（左起）、祖兒和林峯取得好成績，不負樂迷全力支持。

基仔做主持卻喉嚨發炎，認真病得不合時，謝安琪因流感肆虐減少帶囝囝出街。

瞓番兩日即病愈

剛於北京回港的祖兒，坦言在推出新碟過後精神放鬆了，故開始想作病：「好在我平日個底打得好，加上媽咪又成日煲啲益健飲品畀我，所以我瞓番兩日就冇事。」祖兒指現時出入人多地方都會戴上口罩及勤洗手，而穿過的鞋則會放於門外。

吳雨霏穿高跟鞋下梯級步步為營，幸得方力申和軒仔發揮紳士風度左右扶住。

徐子珊「舞女」姿態殺入樂壇，奪得勁歌新人獎。

謝安琪緊張疫情

而快將舉行個唱的謝安琪，則指跟主辦單位每天也密切注意疫症的消息：「我哋每日都留意住情況，亦都有開會傾過，不過大家都覺得冇咩特別事要處理。（個唱會派口罩？）我唔介意觀眾做足安全措施嚟，因為健康始終係自己嘅。」對於有傳個唱門票銷情不理想，謝安琪表示門票一出便掃清，就連加場也於開售15分鐘內售罄，她謂：「我後來知道應該係啲不法分子喺網上Bid飛，但開價一定係低，咁先令人誤解以為銷情欠佳，我就唔鼓勵大家做犯法事。」

同場的徐子珊前晚奪得「新人薦場飆星獎」，不過她笑指因要在舞后蔡依林面前唱歌跳舞，故令她甚為緊張：「呢個係我喺音樂上第一個獎，不過我就緊張多過興奮，因為有蔡依林喺度，我平時都有睇佢啲MV，覺得佢嘅高難度動作真係嘆為觀止！」

文：影視組