代妹出頭無補於事

自從吳亭欣被踢爆和馮潮澤關係密切後，顧美華多次炮轟妹夫馮潮澤，可惜都未能為妹妹挽救感情，去年12月，顧美華接受本報專訪時大爆妹妹顧麗華打空氣針自殺的真相：「出事嗰日，姓馮嘅一早上去食早餐，跟住佢哋就嗌交，應該講咗一啲令佢（顧麗華）好難過嘅嘢。」顧美華表示第三者叫LuLu，透露馮一定要讓對方做馮太：「佢（馮潮澤）話個女仔愛佢，同個女仔一齊係佢最大心願，一定要佢做馮太。佢仲話：『個女仔係虔誠天主教徒，為咗我墮胎！』」顧美華又力數馮處處維護第三者，除不介意對方隆胸外，亦斥責顧美華破壞對方形象。