本文重點
澳洲女星Rose Byrne近期除了有新片《地球毀滅密碼》上映外，其人氣電視劇《孽法》在美國亦大受歡迎，其第二季正在AXN頻道播出。當她接受本報越洋電話訪問時，平日在戲中一臉正經的她，原來最想拍喜劇搞笑！
Rose在《孽法》飾演一名新上任律師，遇着由格蓮高絲飾演的經驗老到又木無表情的上司，她大談與格蓮合作感受：「佢係一個有代表性嘅女演員，有好出色嘅事業，佢會令你做好啲，做多啲工夫去配合佢。佢令我拍劇都好似拍緊電影咁，好鍾意同佢合作。」
曾在《太陽倒數》及《28週後》與導演丹尼保爾合作的她，原來尚未有機會親自恭喜對方榮獲今屆奧斯卡最佳導演。她說：「未見到丹尼，但有同《一百萬零一夜》女星菲達娉圖見面，請佢代我恭喜丹尼。我有睇套片，好正好鍾意。」至於提到《太》同片拍檔楊紫瓊，她亦大讚對方可人親切，還表示現在仍有以電郵與她保持聯絡。
妹妹搶閘結婚
被問到最想試甚麼新角色時，Rose表示：「首選拍笑片，我欣賞嘅諧星有Tina Fey同《Summer Heights High》嘅Chris Lilley等。如果Seth Rogen搵我拍佢啲戲，我一定會拍。」被問到經常被選為性感女星的她，認為自己哪裏最性感時，Rose想了一會才說：「其實呢個地球有好多靚女，好開心人哋投我，我諗我嘅幽默感性感啩，要問吓我男友，哈哈！」已與男友Brendan Cowell拍拖五年的她，表示五月將回去家鄉澳洲出席妹妹婚禮，但她強調不羨慕妹妹先嫁人，反而遺憾因要留美拍劇而未能幫手籌備婚禮。
文：外娛組