本文重點
新婚的陳沛嘉（Balia）繼續要做工作狂，她坦言婚姻不會改變她和老公的工作態度，為求自我增值學品酒及操練高爾夫球之餘，更努力煲劇，希望再有機會進軍電視界。
Balia與拍拖四年的彭文堅在今年一月底神秘結婚，但仍處於新婚甜蜜的Balia沒有停下來的打算：「我同老公都覺得婚姻同事業唔應該有衝突，加上我哋大家都係工作狂，將來都唔希望會減少工作，不過，結咗婚真係同拍拖唔同，責任大啲，要處理嘅嘢都多咗，但我好開心自己可以兼顧到。」
結婚後，踏入人生另一階段，Balia很感恩自己得到的幸福。
Balia認為現代的模特兒不可以只靠外表，缺少內涵很容易被淘汰，所以學習進修品酒及高爾夫球：「我飲酒唔叻，但想學多啲知識，對酒有多啲了解，唔想面對啲名酒自己完全唔識，至於高爾夫球就一向有打，仲幫雜誌寫埋專欄添。」
電視初哥超額滿足
去年Balia首次參與電視劇《珠光寶氣》的演出，雖然戲份不多，但出街後不少巿民以劇中名呼喚她，令她感受到前所未有的滿足感：「呢個感覺係做Model完全冇嘅，原來電視嘅感染力咁大，令我好有興趣將來可以拍多啲戲，所以依家喺屋企狂煲劇和電影，希望從中學多啲嘢，咩角色都唔緊要。」
文：影視組