任達華早前與區永權（Albert）與陸浩明（6號）結緣，齊齊拍攝健康食品廣告，華仔對兩位後輩讚不絕口，大讚他們有急才兼轉數快：「我覺得佢哋前途無限，我有興趣搵佢哋拍番部電影，而且仲要唔畀佢哋搞笑，要佢哋斷背，到時一定好有噱頭。」向來對後輩愛錫有加的華仔，除了即席示範切菜絕技外，還傳授烹飪心得：「我最叻煮啲簡單嘅家常菜，好似蒸蛋咁，我有辦法令到啲蛋蒸出嚟一啲泡泡都冇。」
華仔更笑謂在家中很少讓太太琦琦下廚，皆因不想太太的玉手變粗，認真浪漫體貼。
至於Albert與6號，對着華仔亦不忘開玩笑：「同華哥合作好有壓力，因為頭先偷睇到佢換衫，發現佢身材太好，我哋相形見絀！講真初時係有少少尷尬，但好彩華哥好友善，我哋畀佢電到差啲連對白都唔記得。」