台灣歌手卓文萱（Genie）早前來港宣傳以愛情為題的新專輯，Genie表示小時候相信一見鍾情，但經歷過一段刻骨銘心的戀情後已令想法大變，覺得了解和相處比外貌更重要！
卓文萱表示新專輯內一曲《一個人勇敢》是她的戀愛心聲，當中的歌詞，正好能表達出她當時的心情及感受，去年回復單身的Genie自爆之前的一段戀情令她非常生氣：「大家一直維持曖昧關係，因為佢唔係成日喺台灣，大家都係透過短訊同傾電話keep住關係，不過，有次佢去馬來西亞做嘢，竟突然消失咗一個星期，令我非常生氣，到底為何會這樣？真的很難過！」
唔信一見鍾情
問到是否為此分手？Genie說：「大家自此事之後都再冇聯絡，真係好傷心。」Genie不諱言這是一見鍾情的後果：「以前真係會相信一見鍾情，依家發現唔係太好，當大家未了解就一齊，到最後只會傷心收場……感情嘅嘢，真係要慢慢嚟。（會否因咁而嚇怕？）唔會，如果依家遇到啱嘅對象都會發展，畢竟歌手都要談戀愛。」
蛋撻當雞蛋仔
雖然Genie來港只有三日時間，但她仍偷閒到茶餐廳歎奶茶及篤魚蛋，Genie大讚香港美食頂呱呱，問到有否食雞蛋仔？Genie一頭霧水表示：「蛋撻？我有食呀！」引得全場捧腹大笑。
文、攝：音樂組