呂良偉、戚美珍早前為無綫劇《富貴門》拍攝外景，講述二人飾演的夫婦，經歷過第三者出現後，和好如初，溫馨行公園細訴點滴。拍攝期間，二人表現專業，每一鏡頭均一take過搞掂，提早收工。
多年未有拍劇的戚美珍，透露開拍初期，面對鏡頭感到不慣，幸好得到丈夫苗僑偉鼓勵，才得以適應。提到早前有指她與呂良偉拍劇時，頻頻拒接通告，她否認說：「梗係冇咁嘅事，拍呢套劇都唔算太辛苦，戲份分得好散，唔需要唔接通告，以前拍古裝《笑傲江湖》仲辛苦，又拍過六十集嘅劇，體力好難應付。（會唔會再拍劇？）唔知呀，暫時未知，拍埋呢套休息咗先算。」呂良偉亦否認不接通告，最多只是監製擔心他太辛苦而改通告。
