陳豪的生活縱使並不奢華，亦甚具品味。閒時他都會睇樓盤，坦言想買一間獨立屋，最理想就是有一個空中平台，雖然陳豪自認思想傳統，但買屋卻非為成家立室。
陳豪是一個懂得生活情趣的人，所指的並不是揸跑車、穿名牌、住豪宅，反而是在生活細節上甚為講究，就像訪問時他坐在Osim按摩椅上，歎着飲品，一臉閒適。陳豪說：「其實好似一杯靚茶咁，對佢認識不多嘅人，難以享受，一定要認識乜嘢係有質素，好似我好鍾意飲咖啡，如果唔係自己去睇書研究，周圍去試，都唔知當中咁多學問。」
難遇心水屋
陳豪近日不時睇屋，還以為他是想早日結婚，組織家庭，他解釋：「唔係為咗組織家庭，不過我覺得男人係要安居樂業，我係一個外表好鬼仔，但內裏好保守同傳統嘅男人。」問他理想中的獨立屋是甚麼？他說：「其實一間好嘅樓十年都未必遇到一間，要慢慢睇，不過我一定要個景靚，露台要大啲，最好就係有個私隱度較高嘅空中平台，當然價錢最緊要啱啦！」
羨慕謝天華
現時，陳豪正拍攝劇集《宮心計》，稍後更會與一班好戲之人張家輝、林保怡等合作拍劇。提到謝天華憑「Laughing哥」一角再登大銀幕，陳豪十分羨慕，皆因自入無綫後都未有機會拍電影，但他表示不會為拍電影而拍電影，會默默等待一個好角色出現。
文：影視組
攝：吳文聰
鳴謝：Osim