商天娥（娥姐）日前以代言人身份為家居用品品牌拍廣告，期間問到娥姐婚期，去年表示今年會結婚的她，透露今年仍以工作為主，婚期會再押後：「今年仲有廣告傾緊，年底會演舞台劇，仲會去美加同新加坡等地巡迴演出，所以結婚要押後，今年唔搞住。（要唔要同男友交代？）唔使，佢阻唔到我，一切以我為先。至於阿爸阿媽就等吓先，細佬個老婆有喜，屋企有喜事頂住，我可以出年先搞。」
雖然正值金融海嘯，但娥姐今次拍廣告酬金有加無減，她說：「今年係第二年做代言人，啱啱續約。（酬勞好嗎？）好，加咗百分之五十。（逆巿奇葩？）OK啦，總之對酬勞好滿意。（點樣獎勵自己？）之前請阿爸阿媽一行十人去台灣、內地旅行。」
