本文重點
身材平坦的名模姚書軼（Mikki），昨日出席活動時上圍突然升cup，當她烏低身時更差點逼爆吊帶裙，令人驚奇，不過她就否認「加工」，笑言多謝大家畀面讚賞！
件衫cutting好
昨日姚書軼和陳嘉容一同為「愛彼錶女皇盃抽籤儀式」擔任模特兒，其中Mikki穿上低胸吊帶裙，上圍明顯比前豐滿，當她俯身攪珠時，一雙「豐乳」即時傾瀉出來，十分矚目。事後記者問她何以「再度發育」？她即笑說：「係咩？多謝大家咁畀面，可能件衫cutting好，我自己就冇做過咩工夫，我覺得依家OK呀，做model胸太大着衫就唔好睇！」
談到公司旗下的Angelababy捲入g模是非？Mikki感慨地說：「依家做model太過明星化，所以先會有咁多競爭；依家做model同以前真係好唔同，以前只要努力工作就得，依家就要靠新聞同緋聞。」
羨慕樂基兒
同場的陳嘉容表示一直很「恨」騎馬，但因為個子太高，怕坐扁馬兒。她又謂入行至今一直很想與馬兒一起拍時裝相片，她說：「我見過樂基兒同隻白馬一齊影相，輯相好靚，我同佢講好羨慕！」問她遇到白馬王子沒有？她笑說：「我都想，黑馬王子都唔拘，呢個係由細到大嘅夢想。」
採訪：名人組