本文重點
滕麗名（阿滕）最近曝光率甚高，黃金時段有她，深宵重播劇集又見她，不過有網民指阿滕面形明顯比以前尖削又靚咗，有整容之嫌，阿滕反擊說：「我塊面郁得咁自如，就知無打botox啦！」
最近無綫重播由滕麗名、關詠荷主演的陳年舊劇《陀槍師姐II》，劇中的阿滕面頰飽滿，一臉稚氣，與今日的尖削面形明顯有很大分別，難怪有網民質疑她曾經整過容，阿滕聞言哈哈笑說：「我都知有人咁講，其實只係收咗Baby fat，面骨自然現番出嚟，如果我有打botox，塊面邊會郁得咁自如？」
屬智慧型港女
阿滕最近在新劇《桌球天王》中飾演一個女強人，她直言性格與自己有幾分相似，她說：「我屬於智慧型『港女』，工作時要硬朗啲，唔想畀人蝦。（對住男友呢？）當然會溫柔啲，不過依家仲搵緊。」
對於《桌》劇收視麻麻，不少網友狠批首擔大旗的鄧健泓演技差，阿滕為對方講好說話：「人人都有第一次，唔好太刻薄，佢都拍得好辛苦，我一定支持佢。收視麻麻可能因復活節長假期，加上桌球題材較偏門，家庭主婦未必啱睇。」
此外，阿滕最近要忙於拍攝新劇《掌上明珠》，並破天荒飾演宣萱、商天娥和陳美詩的媽媽，她解釋：「我只係做人細媽，劇中大家鬥生鬥死爭家族生意，角色似忠又似奸，幾難演㗎！」
文、攝：專案組
服裝、場地：http://www.izzue.com