本文重點
Soler早前獲老闆羅傑承送神秘巨型廣告牌，感到又驚又喜，他們表示在市道最低迷時能加盟bma非常幸運，大讚公司很有溫情及是個安樂窩。
Soler日前推出加盟bma首張專輯《CANTO》，對於老闆不惜工本豪擲百萬做宣傳，Soler說：「老闆一直都好支持我哋，好放心我哋嘅音樂。（幸運？）梗係啦，要多謝羅生肯簽我哋，呢個時勢仲簽人係好冒險，加上我哋當時打緊官司。佢仲畀好大自由度我哋，所以我哋好專心做專輯，同埋佢真係好鍾意音樂，喺音樂上佢投資好多錢。」
拒老闆好意自己打官司
由於Soler欠前經理人數百萬元，問到會否受困擾？大孖Julio說：「交晒畀律師搞，律師都叫我哋唔使擔心。」Soler表示老闆羅生曾伸出同情之手：「佢想幫我哋，但我哋堅持自己搞掂，因為件事係發生喺簽約前。」Julio笑說：「幫我哋搵多啲賺錢騷至真。」
兩子大讚同事編排工作很有條理：「樣樣都好定同好順，大家有同一目標同想法，感覺舒服好似安樂窩咁。（為公司賣命？）一定會配合。」
文：音樂組