雖然近日天氣回暖，但向來身體強壯的李逸朗（Don），早前戴着鴨舌帽、身穿長袖外套及長褲，由頭包到落腳，鬼祟現身佐敦某商業大廈內，Don更在商廈內的診所門外踱步，表現得垂頭喪氣，滿懷心事，不時頭耷耷，似乎怕被途人認出。
離開佐敦後，Don就到位於尖沙咀的「gi」商場閒逛，只見他對手錶情有獨鍾，更與錶店老闆有傾有講，有別之前的頹爆表情，Don還雀躍地試戴不同款式的手錶，最後更買了兩隻手錶。
事後記者致電Don，問到為何現身診所，他說：「早排持續胃痛，要去睇專科，點知嗰日我遲咗去，啲診所閂晒門。（好啲未？）依家好番好多。」對於在商場買錶，他說：「我幾鍾意買錶，但唔一定係貴錶，有啲特色同襯到衫都OK，我同個老闆幾熟，佢畀咗折頭我。（買咗幾多錢？）幾千元啦。」