出爐影后鮑起靜日前體力不支送院，休息一天即復工。昨日她又為新戲開工，剛復原的她無懼身體狀況，拍攝與李修賢的結婚戲時更要淋雨，鮑姐笑言頂得住，還反指飾演兒子的張學友比她更辛苦。
鮑姐、張學友及李修賢等昨日於金鐘為電影《月滿軒尼詩》拍攝結婚煞科戲，已拍畢戲份的湯唯及安志杰亦前來探班。
收禮物興奮尖叫
一眾演員要在人造雨中不斷奔跑，狀甚狼狽。剛病愈的鮑姐穿上中式禮服上陣，精神不錯。全體演員為祝賀鮑姐獲金像獎影后，送上絲巾及貼上她拿獎座的相架，令鮑姐興奮得尖叫起來。
剛康復的鮑姐對於拍攝淋雨戲，她自信身體已無大礙，絕對應付得來，更笑指學友淋雨比她多。問到奪獎後有否增加工作時，鮑姐笑說：「好多嘢都係之前接落，不過今個月都算係旺月，樣樣嘢都堆埋嚟。好多同學、朋友知道我攞獎，都飛返嚟同我慶祝。（無綫即將播足本頒獎禮。）真係好，其實有時真係冇辦法，唔剪唔得，芳芳姐嘅片段剪得多過我，不過在商言商囉！」
大讚湯唯有天分
雖然學友與鮑姐的真實年齡相差不是太遠，兩人於戲中飾演母子說服力不大，不過學友就大讚鮑姐是好戲之人：「有幾場戲係講佢發脾氣，非常激動，真係幾驚佢會暈低。（咁同湯唯合作又點？）佢係一個好畀心機同有天分嘅演員，係演戲經驗唔夠啫。佢話自己唔係好識連戲，咁拍嗰時都有傾吓嘅。」已有兩年多沒拍戲的湯唯，坦言仍未適應香港拍戲節奏，幸好獲學友從旁協助，令她獲益良多。 文：影視組