本文重點
近期人氣急升的模特兒周秀娜（Chrissie），昨日與少男殺手徐淑敏（Suki）一同出席「LG 3D動感Arena」產品發布會活動，更不約而同穿上短裙仔騷長腿，而Suki的長腿明顯不及Chrissie？她即說：「我有個膊頭嘛！（你哋咪咪就不相伯仲？）我見過佢身材，好靚！」
Suki又透露近日借了朋友新買的跑車來駕駛：「好high呀，我開到超過150km！（個車主係咪特登買嚟想追你？）咁貴重我收唔起。」她謂近日添置了很多影音器材，欲把家裏變成私人影院：「我叫咗好多朋友上嚟玩，有男有女，都驚畀人影到誤會，單身好值錢㗎嘛！」她謂現時是單身，而擇偶條件就是要「揸得一手好車」。
唔識椋名凜
而周秀娜被問到近日與日籍女模椋名凜的是非？她表示不認識對方，也未曾合作過，不明白何以會傳出兩人不和。至於是否人紅樹大招風？她笑說：「我好纖瘦㗎咋，希望大家體諒我弱質纖纖。（佢話你肯一千萬出席飯局好cheap喎？）我都係講吓笑，大家唔好咁認真；就係知道自己唔會去先開咁大個玩笑，況且都唔會有人出一千萬啦！」另外，對於被拍得有男模替她挽袋獻殷勤？她笑說：「佢有風度啫，不過咁講證明我都仲有少少魅力！」