湯盈盈：唔知，你問佢哋

前晚盈盈出席《美女廚房》錄影，心情甚靚。節目中盈盈全場被洪天明、吳家樂拿她與錢嘉樂的緋聞來開玩笑，捉魚時，天明教她：「你當佢係錢嘉樂，捉住佢一生一世。」盈盈笑言被玩慣，並不介意，豈料事隔一天，盈盈樂樂的關係卻翻起暗湧。

反常態模棱兩可

昨日有報道指錢嘉樂與李珊珊復合，湯盈盈向友人哭訴。昨晚盈盈回應表示自己沒有喊過，做完舞台劇不知幾開心，問她會否相信報道所指？她說：「唔知，你問佢哋兩個。（會否問錢嘉樂？）唔會。（同佢乜嘢關係？）你哋問佢囉！由頭到尾都係你哋話係嘅，同佢一直係朋友、同事。」答問題時她一反常態，模棱兩可。

記者指她有點酸溜溜，她說：「你哋feel到呀？但我冇囉！我知佢哋仲係好朋友。」盈盈又表示不排除與錢嘉樂有發展機會，但坦言不會追男仔，因自己很矜貴。問她若然錢李復合，會否放棄？她有信心的說：「confirm咗先算啦！」

鄭希怡廚藝驚人

此外，前晚《美女廚房》除有湯盈盈外，還有鄭希怡。鄭希怡在上一輯切傷手流血，前晚捲土重來，可惜廚藝依然被彈，拋鑊時將魚蝦拋到地上，炮製的韓式薄餅更是黏貼力超強，連自己試食也忍不住吐出來，笑爆全場。

文：影視組