有傳陳冠希（Edison）在上海開設的「ACU」潮店執笠，身為Edison好友兼生意拍檔的潘世亨（Kevin），昨日否認傳言：「想搵大啲嘅舖，已經喺第二區搵咗舖，裝修緊，亦會改名做『Juice』，一兩個月內會開。（Edison巡視業務？）都會，（同佢有冇見面？）唔講得，（佢到時現身？）希望佢到時出席。」
組合農夫昨日出席活動時，成員C君表示為怕遺失手機令朋友的電話號碼外洩，故以暗號作記認，被問到Edison的暗號時，陸永說：「老闆囉，但我哋有幾個老闆。（有冇同Edison聯絡？）冇。」
此外，有指Edison的舊愛陳文媛（BoBo）開設美甲舖，記者昨日走訪該店，發現有八、九個裝修工人正在開工，再走訪BoBo媽咪的地產舖，發現疑似是BoBo媽的女士埋首工作，又不停講電話，記者道明來意時，一名男職員阻止說：「唔好意思，唔接受訪問，唔好打擾我哋做嘢。」