談到Kama助手跟張文慈爭位風波，模特兒莊思敏所知不詳，言語間卻寸爆後輩：「我冇睇內容，覺得係笑話一則，佢哋小朋友啩，誤會啫。我哋嗰時冇呢啲嘢，好和平，依家注意多咗，有不和是非，嗰時（不和）得陳沛嘉同陳嘉容。加上可能靚模年紀細啲，口不擇言易得罪人。佢哋都好出位，依家啲女仔好大膽，言行衣着都嘩然。我覺得自己好彩，跨過兩個年代，嗰時啲人好專業，依家舒服好多，要求低。」
此外，昨日熊黛林和苗僑偉出席Samsung LCD iDTV系列發布活動，熊黛林也稱不知道爭位風波。對於被指跟Angelababy夾攻Kama，她笑而不語，問到是否力撐Angelababy？她說：「當然我好鍾意baby。（如她被欺負也會撐？）睇情況啦。」她強調跟Kama素未謀面，竟無辜捲入是非。