Angelababy與Kama的不和升級，從口舌之爭到埋身肉搏。二人將戰場移師七月書展，各推「百萬寫真」爭奪電車男市場。同時另一上位靚模周秀娜亦以透視內衣出寫真加入戰團，「寫真大戰」一觸即發。
從傳出日本爭job開始，楊穎（Angelababy）與羅凱珊（Kama）勢成水火，繼而上《美女廚房》有你冇我，令不和事件白熱化。然而惡鬥方興未艾，二人於今年七月書展發動「寫真戰」。去年Angelababy進軍日本市場，推出首本個人寫真，以「日本look」攻陷本地「電車男」，成功踢走同期勁敵Janice Man。
周秀娜內衣誘惑
今年她為保「女神一姐」寶座，投資百萬赴巴黎取景，重用星級班底，唔玩少女轉走淑女路線，大賣靚人靚景升級做高檔貨。
有見Angelababy氣勢如虹，近日連番招惹是非的Kama不甘示弱，同樣以「百萬寫真」追擊，力邀曾與日本女星蒼井優及宮崎葵等合作的日籍攝影師池谷友秀操刀，大玩三點式青春性感。一個sell淑女，一個sell肉女，料必引起書展一片混亂。
對於近日被指不斷追擊Angelababy，Kama無奈的說：「唔好話追擊，各有各做，我最期望淨係要出得靚。三點式當然會有，但文字會比身材更性感。」
此外，憑着中環剝衫而出位的周秀娜（Chrissie）也加入戰團，早前飛到塞班島拍攝，製作費僅六十萬元，卻以32D逼爆身材為賣點，更以透視內衣作「撒手鐧」。她說：「今次寫真係入行以嚟最多嘢睇，係健康嘅性感，感覺好繽紛。（加入寫真戰團？）唔好咁講，百花齊放啫。」
趙碩之封胸免戰
另外，諸葛梓岐亦極有可能於今年推出寫真集，並會以曾遭Angelababy抄至大熱的日本公主look現身。不過去年強勢出寫真的趙碩之，今年則要將出寫真的機會留給師妹Yumi。
文：專案組