胡諾言（胡仔）與陳琪最近正四出籌備婚禮，上星期二人趁空檔選購大床及試裙褂。身形瘦削的陳琪試裙褂時，明顯腹部微隆疑似有喜。事後追問胡仔是否奉子成婚？他笑言：「咁我要叫佢（陳琪）減肥嘞！」
無綫藝員胡諾言跟陳琪早前失驚無神宣布結婚，原來二人已秘密拍拖七年，並於本月27日在半島酒店大排筵席，招呼親朋。由於二人人緣不俗，兄弟姊妹與司儀已替一對準新人找來不少贊助，令二人可以騰出時間籌備一些婚禮細節。
售貨員讚登對
上星期，胡仔與陳琪就趁不用開工，一起出外試裙褂和睇大床，當二人行經金舖時，見到飾櫃內寓意連生貴子的金豬大吊牌，二人表現興奮，忍不住邊睇邊笑，表現甜蜜。其後他們行到一間著名的裙褂老店，當陳琪試裙褂時，被記者發現腹部微隆，令人不禁懷疑胡諾言是雙喜臨門。
試完裙褂，二人再到附近百貨公司的寢室用品樓層，有不少售貨員一見到胡仔與陳琪便大讚兩人非常登對。最後兩人到一商業大廈內的場地布置公司，應該為婚禮布置作籌備。
叫未婚妻減磅
事後記者致電給準新郎胡仔，問他的未婚妻是否有喜？他笑謂：「唔係啩！咁我要叫佢再減吓磅先，其實我哋都好鍾意小朋友，唔抗拒嘅，不過呢啲嘢隨緣啦！」胡仔又透露婚禮當日不會有接新娘環節，但仍會依足傳統向長輩斟茶及進行宣誓儀式。問胡仔心情如何？他坦言：「冇乜嘢喎！又唔係拍咗一、兩年拖。我哋都成日幫啲朋友做婚禮司儀，呢啲場面見慣見熟。」
文：影視組